Plantun de Prouvènço

Pèr coumpara dos planto d'encò nostre

Equisetum arvense & Scirpoides holoschoenus subsp. holoschoenus

fotò
fotò
Co-de-mandro

Equisetum arvense

Equisetaceae

Àutri noum : Coussaudo, Coua-de-cavau, Counsòudo, Couëto, Couëto-de-rat.

Noms en français : Prêle des champs, Queue-de-cheval.

Descripcioun :
Fai dos meno de tijo. A la fin de l'ivèr, n'en fai sènso clouroufilo que porto d'espigo de 1,5 à 5 cm, pièi au mitan de la primo, trachisson li cambo esterlo, primo e boutisso, emé de ramo verticillado. Pèr la destria de Equisetum sylvaticum fau regarda li guèno que dèvon èstre à dènt negro emé quàsi pas de bord blanc. Li ramo soun emé quatre costo prefoundo e lou proumié tros dèu èstre mai long que la guèno.

Usanço :
Soun li mémis usanço pèr la veisselo que la counsòudo, Equisetum ramosissimum. Èi vertuouso pèr ajuda à pissa, pèr apasima li moureno e lucha contro li mau d'os (principe di signaturo : li tros di ramo s'embouiton coume lis os).

Port : Aubret
Taio : 15 à 70 cm
Fueio : ges
Tipe bioulougico : Geoufite
Cicle bioulougico : Planto renadivo

Gènre : Equisetum
Famiho : Equisetaceae


Ordre : Equisetales

Coulour de la flour : Ges de flour
Petalo : ges
Ø (o loungour) enflourejado : 1,5 à 5 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun
Mars à mai

Liò : Ribiero - Prado umido - Palun - Ermas
Estànci : Coulinen à Subaupen
Couroulougi : Bourealo
Ref. sc. : Equisetum arvense L., 1753

fotò
fotò
Liandro

Scirpoides holoschoenus subsp. holoschoenus

Cyperaceae

Nom en français : Scirpe-jonc.

Descripcioun :
Aquelo planto èi troumpouso que sèmblo pulèu, à proumiero visto, à un jounc qu'à uno liandro (pamens i'a ges de tepalo e lou fru es un akène eici - un boursèu encò di Juncaceae). Autramen se recounèis à sis enflourejado (terminalo e faussamen sus lou coustat) en boulo surmountado pèr uno bratèio. La subsp. presentado eici, holoschoenus, se recounèis à sa bratèio courto (< 25 cm e souvènt bèn mens, e pounchudo) e lou noumbre de gloumerulo impourtant (mai que 5, e fin qu'à 30).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,3 à 1,5(2,5) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Scirpoides
Famiho : Cyperaceae


Ordre : Poales

Coulour de la flour : Verdo
Petalo : ges
Ø (o loungour) enflourejado : 1,5 à 3 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Ribiero - Palun - Escoumbre e proche dis oustau
Estànci : Termoumediterran à Mountagnard
Couroulougi : Mediterrano-atlantico
Ref. sc. : Scirpoides holoschoenus subsp. holoschoenus (L.) Soják, 1972 (= Scirpus holoschoenus L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CCC
C
CC
CC
C
CC
C
R

Equisetum arvense & Scirpoides holoschoenus subsp. holoschoenus

CC
R
CC
C
C
CC
CC
CC

Coumpara Co-de-mandro emé uno autro planto

fotò

Coumpara Liandro emé uno autro planto

fotò